Прыхільнікі «новай стратэгіі», якая відавочна прасочваецца ў лісце «за ўсё добрае супраць усяго злога», упарта ігнаруюць адну праблему – суўдзел рэжыму Лукашэнкі ў расійскай агрэсіі супраць Украіны.

Ідзе чацвёрты дзень абмеркавання «ліста за ўсё добрае супраць усяго злога». Ягоныя прыхільніцы й прыхільнікі па-ранейшаму найбольш шырока выкарыстоўваюць два аргументы: «А там гэтага не напісана! / Дык там жа напісана!»

У папярэдняй частцы мы выказалі меркаванне, што ініцыятаркі лісту не звярнуліся да шэрагу паважаных былых палітвязняў з прапановай паставіць пад лістом свае подпісы, бо страшыліся негатыўнай рэякцыі на саму ініцыятыву.

Учорашні ліст, ініцыятаркамі напісання якога выступілі пяць былых палітзняволеных – Марына Золатава, Людміла Чэкіна, Наста Лойка, Марфа Рабкова, Ірына Слаўнікава, амаль адразу атрымаў метафарычнае пазначэнне: «За ўсё добрае супраць усяго злога»